Sri Shyam Bihari Blog: April 2020

Friday, April 17, 2020

rati-sukha-sāre gatam abhisāre madana-manohara-veśam |
na kuru nitambini gamana-vilambanam anusara taṃ hṛdayeśam ||1||

dhīra-samīre yamunā-tīre vasati vane vanamālī |
gopī-pīna-payodhara-mardana-caṃcala-karayuga-śālī ||dhruvapadam||

nāma sametaṃ kṛta-saṅketaṃ vādayate mṛduveṇum |
bahu manute nanu te tanu-saṅgata-pavana-calitam api reṇum ||2||

patati patatre vicalati patre śaṅkita-bhavad upayānam |
racayati śayanaṃ sacakita-nayanaṃ paśyati tava panthānam ||3||

mukharam adhīraṃ tyaja mañjīraṃ ripum iva kelisu lolam |
cala sakhi kuñjaṃ satimira-puñjaṃ śīlaya nīla-nicolam ||4||

urasi murārerupahita-hāre ghana iva tarala-balāke .
taḍid iva pīte rati-viparīte rājasi sukṛta-vipāke ||5||

vigalita-vasanaṃ parihṛta-rasanaṃ ghaṭaya jaghanam api dhānam .
kisalaya-śayane paṅkaja-nayane nidhim iva harṣa-nidānam ||6||

harirabhimānī rajaniridānīm iyam api yāti virāmam .
kuru mama vacanaṃ satvara-racanaṃ pūraya madhuripu-kāmam ||7||

śrījayadeve kṛtahariseve bhaṇati parama-ramaṇīyam .
pramudita-hṛdayaṃ harim atisadayaṃ namata sukṛta-kamanīyam ||8||

तव विरहे वनमाली (Tava Virahe or Vahati Malaya)

vahati malaya-samīre madanam upanidhāya |
sphuṭati kusuma-nikare virahi-hṛdaya-dalanāya ||1||

tava virahe vanamālī sakhi sīdati | dhruva-padaṃ ||

dahati śiśira-mayūkhe maraṇam anukaroti |
patati madana-viśikhe vilapati vikalataro’ti ||2||

dhvanati madhupa-samūhe śravaṇam api dadhāti |
manasi kalita-virahe niśi niśi rujamupayāti ||3||

vasati vipina-vitāne tyajati lalita-dhāma |
luṭhati dharaṇi-śayane bahu vilapati tava nāma ||4||

raṇati pika samavāye pratidiśam anuyāti |
hasati manuja nicaye virahamapalapati neti ||5||

sphurati kalaravarāve smarati maṇitameva |
tava ratisukha vibhave gaṇayati suguṇamatīva ||6||

tvadabhidha-śubhada-māsam vadati nāri śruṇoti |
tamapi japati sarasaṃ yuvatiṣu nāratimupaiti ||7||

bhaṇati kavi-jayadeve viraha-vilasitena |
manasi rabhasa-vibhave harirudayatu sukṛitena ||8||