सरस किशोरी, वयस कि थोरी Saras Kishori Wayas Ki Thori

सरस किशोरी, वयस कि थोरी, रति रस बोरी, कीजै कृपा की कोर।

साधन हीन, दीन मैं राधे, तुम करुणामई प्रेम-अगाधे,

काके द्वारे, जाय पुकारे, कौन निहारे, दीन दुखी की ओर।

सरस किशोरी, वयस कि थोरी, रति रस बोरी, कीजै कृपा की कोर।

करत अघन नहिं नेकु उघाऊँ, भजन करन में मन को लगाऊँ ,

करी बरजोरी, लखि निज ओरी, तुम बिनु मोरी, कौन सुधारे दोर।

सरस किशोरी, वयस कि थोरी, रति रस बोरी, कीजै कृपा की कोर।

भलो बुरो जैसो हूँ तिहारो, तुम बिनु कोउ न हितु हमारो,

भानुदुलारी, सुधि लो हमारी, शरण तिहारी, हौं पतितन सिरमोर।

सरस किशोरी, वयस कि थोरी, रति रस बोरी, कीजै कृपा की कोर।

गोपी-प्रेम की भिक्षा दीजै, कैसेहुँ मोहिं अपनी करी लीजै,

तव गुण गावत, दिवस बितावत, दृग झरि लावत, ह्वैहैं प्रेम-विभोर।

सरस किशोरी, वयस कि थोरी, रति रस बोरी, कीजै कृपा की कोर।

पाय तिहारो प्रेम किशोरी!, छके प्रेमरस ब्रज की खोरी,

गति गजगामिनि, छवि अभिरामिनी, लखि निज स्वामिनी, बने बिहारी चकोर॥

सरस किशोरी, वयस कि थोरी, रति रस बोरी, कीजै कृपा की कोर।

Saras Kishori, Bayas Ki Thori Rati Ras Bhori
Kijai kripa Ki Koor Shri Radhe

Sadhan Heen Deen Mai Radhe
Tum Karunamayi Prem Agadhe
Kake Dware Jaye Pukare
Kaun Nihare Deen

Karat Aghan Nahi Nek Aghaam
Bhajan Karan Meina Mann Ko Lagam
Kari Bar Jori Sakhi Mann Hori
Tum Bin Mori Kaun Sudhare Dor

Bhalo buro jaisen hun tiharo

Tum binu kaou na hit hamarou

Bhanu dulari, sudhi lou hamari,

Sharan tihari, houn patitan sirmour

Gopi Prem Ki Bhiksha Dije
Kaise Hu Mohe Apno Kar Lijye
Tor Gun Gawat Diwas Bitawat
Dhrag Barsawat Mai Ho Prem Vibhor

Payaa Tiharou Prem Kishori

Chakey PremRash Braj Ki Khori

Gati GajGamini, Chabi Abhiramini,

Lakhi Nij Swamini, Baney Bihari  Chakor